Food Freedom: MGA BAGAY NA DAPAT MALAMAN TUNGKOL SA GMO

ANG GMO AY NAPAKADELIKADO SA MGA BUNTIS AT MGA BATA

Kabilang sa mga populasyon, ang mga bata ang pinaka apektado sa kasiraan dulot ng GM na pagkain. Sa isang aktwal na pag eksperimento, nang pinakain sa babaeng daga ang GM soy kadalasan sa mga anak nito ay namatay sa loob ng tatlong lingo. Ang mga pinakain rin ng GM soy ay mas maliit at nahihirapang mag buntis. Nang ang lalaki naman ang pinakain nito, nag iba ang kulay ng kanilang testicles, mula sa normal na kulay pink ay naging dark blue. Ang sperm ng mga batang daga na kumain nito ay nabago at kahit na ang similya ng ‘’parent mice’’ ay nabago rin ang DNA. Sa Austria, ang mga dagang pinakain ng Bt corn ay mas kaunti at maliit ang anak kaysa sa normal. Sa imbestigasyon sa Haryana, India kadalasan sa mga kalabaw na kumakain ng GM cottonseed ay may komplikasyon kagaya ng pagkabaog, premature deliveries, at prolapsed uteruses. Sa US, maraming mga magsasaka ang nag ulat ng pagkabaog ng libo-libong mga baboy dahil sa pagkain ng ba’t-ibang klaseng Bt corn. Ang mga baka at toro rin doon ay nabaog dahil sa pagkain ng GM na mais. Sa populasyon sa US, dumadami ang bilang ng mga batang may mababang timbang, malnourish at maging ang bilang ng pagdami ng mga namamatay na may koneksyon sa pag kain ng GMO.

ANG PAGKAIN AY DINISENYO PARA GUMAWA NG LASON

Ang GM o Bt (bacillus thuringiensis) na mais at koton ay ginawa na may sariling pesticide bawat cell. Kung ang kulisap ay kakagat sa tanim, sila ay mamamatay. Ang mga kompanyang Biotech gaya ng Monsanto ay nagpahayag na ang pesticide na tinatawag na Bt ay ligtas daw gamitin sapagkat ginagamit raw ito na pang spray para sa natural na pagkontrola ng insekto. Ang totoo, ang Bt na lason na nasa GM na tanim ay mas puro kaysa sa natural na Bt spray at hindi kayang alisin sa pamamagitan ng paghuhugas. Napatunayan rin sa pag-aaral na kahit na mas kaunti ang lason ng Bt sa spray ay delikado pa rin ito. Nang ginamit ito sa pamamagitan ng eroplano para puksain ang problema sa gamu-gamo sa Pacific Northwest, umabot ng 500 na tao ang naiulat na nagka allergy at nagka trangkaso. Noong 2008, base sa talaan ng medisina, ang Sunday India ay nag-ulat na ‘’ang biktima ng pangangati ay dumadami’’ na may kaugnayan sa pagtanim ng Bt na koton.

ANG GMO AY ALLERGENIC

Ang American Academy of Emergency Medicine ay nagpahayag na maraming pag-aaral sa mga hayop ang nagpakita ng pagtaas ng indikasyon ng cytokines kung saan ito ay may kaugnayan sa hika, allergy at pamamaga ng mga organs. Ayon sa eksperto na si Dr. Arpad Pusztai, ang resultang ito sa mga hayop ay kasang-ayon sa lahat ng mga napag-aralan. Kahit na sa pag-aaral mismo ng Monsanto ay nagpakita ng makabuluhang pagbabago sa mga daga na pinakain ng Bt corn. Ang Bt na soy at mais ay naglalaman ng dalawang bagong protina na may katangiang allergenic. Matapos na ipinakilala ang Bt soy sa UK, ang ulat ng mga allergies ay tumaas hanggang 50%.

MARAMING MGA HAYOP ANG NAMAMATAY DAHIL SA GMO

Sa India, nang ipastol ang mga tupa sa Bt cotton, libu-libo ang namatay. Nakita ang malalang pangangati at black patches sa bituka at atay at ang paglaki ng bile ducts ng mga tupa. Ang paunang katibayan ay nagpapahiwatig na dahil sa lason kaya maraming namamatay na tupa. Malamang dahil sa lason ng Bt. Sa pag-asikaso ng Deccan Development Society, ang lahat ng mga tupa na pinakain ng Bt cotton namatay sa loob ng 30 na araw; at ang mga pinastol sa natural na koton ay nanatiling malusog. Sa maliit na nayon sa Andhra Pradesh, ang mga kalabaw na pinastol sa Bt cotton sa loob ng walong taon ay nameligro. Noong Enero 3, 2008, 13 sa mga kalabaw na pinastol sa Bt koton ang nagkasakit at sa sumunod na 3 araw ay namatay. Ang Bt corn ay siya ring tinuturong dahilan ng pagkamatay ng mga baka at kabayo sa Germany at mga manok naman sa Pilipinas. Sa pag-aaral sa laboratory, ang daming bilang ng mga manok na pinakain ng Liberty Link na mais ang namatay. Sa 20 na daga na pinakain ng GM na kamatis, 7 rito ay nagtamo ng pagdurugo sa tiyan at namatay sa loob ng dalawang linggo. Sa pag-aaral rin mismo ng Monsanto, nakitang nasira ang mga major organs ng mga dagang pinakin ng Bt corn ayon sa French toxicologist na si G. E. Seralini.

ANG GMO AY MANANATILI SA ATING KATAWAN

Ang gene sa GM na soy ay lilipat sa DNA ng backterya ng ating bituka at patuloy itong gumagana. Ibig sabihin, makalipas ang mahabang panahon na pagtigil natin sa pagkain ng mga GM food, maaring meron pa rin tayong nakapipinsalang mga GM na protina sa ating katawan. Ang mga dating siyentipiko sa Food and Drug Administration (FDA) ay nagbigay babala sa mga sakit na ito noong 1990’s ngunit ito ay binalewala. Ayon sa dokumento na pinalabas galing sa litigasyon, pinagkasunduan sa ahensiya na ang GM food ay likas na napakadelikado at maaring lumikha ng mga allergies na mahirap tukuyin, mga lason, at mga bagong sakit at problema sa nutrisyon. Nagbabala sila na kinakailangan ng mahigpit na pangmatagalang pagsubok, ngunit ang White House ay nag utos sa ahensiya na itaguyod ang biotechnology at ang FDA ay tumugon sa pamamagitan ng bagong kaanib na si Michael Taylor, dating mananaggol at naging vice president ng Monsanto, isa sa mga kompanyang gumagawa ng mga GM food at seeds.